४ भदौँ, काठमाडौँ । सन्दिप लामिछाने आवद्ध टिम जमैका तलैवाजले २०२० को क्यारेबियन प्रिमियर लिग (सिपिएल) मा विजयी सुरुवात गरेको छ । जमैका तलैवाज र सेन्ट लुसिया जुउक्स बिच भएको तेस्रो खेलमा सन्दिप लामिछाने आवद्ध टिम जमैका तलैवाज ५ विकेटले विजयी भएको छ ।

टस हारेर पहिले ब्याटिङ्ग गरेको सेन्ट लुसिया जुउक्सले आफ्नो २० ओभरमा ७ विकेट गुमाउदैँ १५८ रन बनाएको थियो । सेन्ट लुसिया जुउक्सका लागि रोस्टन चेसले सर्वाधिक ५२ रन बनाएका थिए । जमैका तलैवाजका लागि बलिङ्गमा मुजीब उर रहमानले सर्वाधिक २ विकेट लिएका थिए ।

नेपाली युवा लेग स्पिनर सन्दिप लामिछानेले पनि आफ्नो पहिलो खेलमा उत्कुष्ट बलिङ्ग गरेका छन । उनले आफ्नो ४ ओभरमा २३ रन दिदैँ १ विकेट निकालेका थिए । उनले १४.२ ओभरमा २१ बल खेल्दैँ २५ रन बनाएका नजीबुल्लाह जदरानको विकेट निकालेका थिए ।

सेन्ट लुसिया जुउक्सले दिएको १५९ रनको लक्ष्य जमैका तलैवाजले १८.५ ओभरमा ५ विकेट गुमाएर पुरा गर्यो । जमैकाका लागि आसिफ अलिले सर्वाधिक ४७ रन बनाएका थिए । सेन्ट लुसियाका लागि केस्रिक विलियम्सले सर्वाधिक २ विकेट लिए ।

त्यसैगरी आज बिहान गुयाना अमेजन वारियर्स र सेन्ट किट्स एण्ड नेभिस प्याट्रियोस बिच भएको सिपिएलको चौथो खेलमा गुयाना अमेजन वारियर्स ३ विकेटले विजयी भएको छ ।

अन्तिम पटक अध्यावधिक गरिएको 1 महिना अगाडी 2412 जनाले हेर्नुभएको

प्रतिक्रिया दिनुहोस्